 |
| Este é o diploma que certifica que completei a Pokédex. Mais só completar a Pokédex non era suficiente reto para min. |
A miña historia con Pokémon remóntase ao Natal de 1999, cando me regalaron unha Game Boy Color co Pokémon Azul. Por cousas da vida e de non saber, o cartucho que me compraran era unha copia pirata da versión americana. Por ser versión americana, a pesar de estar en inglés, permitíame facer moitos trucos e obter cousas que non había na versión europea. A parte mala é que por ser versión pirata a partida borróuseme un par de veces. Mais por sorte, no verán de 2000 saíu o Pokémon Amarelo, e con moito tesón conseguín xuntar nel os 151 pokémons. Un de cada especie.
No 2001, polo meu aniversario, regaláronme o Pokémon Prata. Esta nova xeración de xogos incluía 100 novos pokémons, que de novo volvín conseguir. E non só iso, senón que pasei todos os pokémons do Pokémon Amarelo, tendo así todos os 251. Un de cada especie. No Natal dese ano saíu o Pokémon Cristal, mais xa aos poucos fun deixando a afección, e a Game Boy foi acumulando pó.
E chega o Natal de 2013. Despois de 12 anos apartado, o novo Pokémon X chamoume moito a atención. E, inesperadamente, regaláronmo xunto cunha Nintendo 3DS de segunda man. Despois de pasalo entroume a nostalxia e collín os primeiros xogos de Pokémon para recordar vellos tempos, mais os cartuchos da Game Boy usan unha batería de reloxo para gardar a partida. E si, duran moito, mais 12 anos foron abondos para que se me borrase a partida do Pokémon Prata. Adeus aos 251 pokémons que con tanto esforzo coleccionara.
Entón, nese momento, púxenme unha nova meta na vida: conseguir todos os pokémons no Pokémon X. Todos eles. Tiven que pasar xogos antigos para conseguir pokémons exclusivos. Tiven que intercambiar pokémons online con xente de todo o mundo. E hoxe, 7 de abril de 2015, máis dun ano despois do meu regreso ao pokémundo, conseguín todos os 719 pokémons que existen até a data. Un de cada especie. E pensei... se no blogue falei do Zelda: A Link Between Worlds e do Zelda: Link's Awakening, unha proeza como este ben merece unha entrada propia.
 |
| Sei que se ve mal, podes premer para alargar a imaxe. Son 24 caixas do xogo, con 30 pokémons cada unha. Todos os 719. |
P.S: Levaba meses á procura de Victini, o último que me faltaba, e hoxe intercambioumo un californiano chamado Jay. :)
E tes a Mew? Eu conseguirao a primeira (e única) vez que pasei o Pokemon Azul, hai anos luz xa, jeje
ResponderEliminarE a MissingNo?
Todos son todos, incluíndo Mew, Celebi... e mesmo Arceus, o deus do mundo Pokémon. E logo?
EliminarMissingNo. non, porque non é un pokémon, é un erro de programación dos primeiros xogos (MissingNo. significa "Missing Number") e nos xogos novos xa foi corrixido. Aínda así, eu sempre apoiei que o metesen como pokémon oficialmente. Quen sabe se cando cheguen a mil...
Xa sabía que era un bug pero xa non xogaba Pokemon cando me enterei... Aínda perdínj tempo probando un par de veces a ver se saía, pero nunca funcionou e daquelas internet era un mundo descoñecido, jaja.
EliminarBah, non presumas tanto e busca quen cho pase, senon non os tes TO-DOS :-p
Nos xogos de Pokémon a partir da 3º xeración (os da Game Boy Advance) xa non aparece o erro de MissingNo. Téñoo na partida do Pokémon Azul, mais non existe xeito ningún de pasalo aos xogos novos.
EliminarE eu nos xogos vellos fixen cousas que non poderías imaxinar. Non só tiña a MissingNo., tiña a M' e unha chea máis de pokémons-erro con nomes que non se poden escribir con caracteres latinos. Dominei a técnica da fusión de pokémons, teño pokémons con ataques imposíbeis, pokémons no nivel 255 e pokémons no nivel 0. Mais todos eses momentos vanse perder no tempo como peidos no vento.